Xose Mariya Mendez: "Tojikistonga qarshi o'yinda natija meni qiziqtirmaydi"

Kunduzgi mashg'ulotdan so'ng bosh murabbiy Xose Mariya Mendezning fikrlari bilan qiziqdik.

"Ayni paytda biz yoshlar terma jamoasiga nomzod o'yinchilar bilan tanishishimiz, ularning imkoniyatlarini ko'rib chiqishimiz kerak. Bugungi kunda jamoaga etarlicha nomzodlarni borligining o'zi yutug'imiz. CHunki, 4-5 yil oldin hozirgidek 30-40 nafar yosh futzalchilar orasidan nomzodlarni tanlab olish imkoniyati yo'q edi. Bu erda 20 yoshdan kichik futzalchini topish juda qiyin edi.

O'zbekistonda futzal rivojlanib borayotgan sport, bu erda boshqa mamlakatlarga o'xshab futzal bilan 5 yoshdan shug'ullanishmaydi, balki 18-20 yoshdan mini futbol o'ynashadi ko'pincha. Yoshlar terma jamoasi bilan ishlashda biz boshqalardan ancha orqadamiz, lekin bu birinchi va O'zbekiston futzalini rivojlantirishdagi qadam.

Bu haftada asosan yosh futzalchilarni ayni paytda nimalarga qodirligini ko'rib chiqamiz, ushbu yig'inni shuning uchun tashkillashtirdik. Yig'in doirasida Tojikiston yoshlar terma jamoasiga qarshi o'yinlarda meni natija umuman qiziqtirmaydi. Muhimi, biz o'z ishimizni qilishimiz, o'ylagan rejalarimizni amalda ko'rishimiz va o'sishimiz kerak", - deydi janob Mendez.