"Xorazm" ustozi Ruslan Ahmedov: "Hamma erda natija uchun vaqt cho'ziladi"

Ruslan Ahmedov: "O'yin og'ir o'tdi, bahs oxirida omadimiz keldi. "Lokomotiv"ga qarshi uchrashuvning so'nggi daqiqalarida gol o'tkazib yuborgandik, bugun ham shunday bo'ladi deb o'ylagandim, lekin yo'q. "Qo'qon-1912" g'alabaga loyiqroq edi, biz ikkinchi jamoa bo'lib o'ynadik. Qo'qonliklarga keyingi bahslarda omad tilayman.

- Futbolchilarga yotib olish haqida ko'rsatma berdingizmi yoki bu o'yinchilarning o'zidan chiqqan g'oyami?

- Doim shunday savollar bo'ladi. Yutayotganingizda o'zingizga shu savolni berib ko'ring. Bu harakatlar o'yin tempini buzish uchun qilinadi. Bazida uchrashuv oxirida futbolchilarning oyog'ining tomiri tortishib qoladi. Hamma erda natija uchun vaqt cho'ziladi, hatto Jahon chempionatida ham. Biz vaqtni cho'zinglar demaymiz. Bahs oxirida futbolchilar avtomatik bu rejimga o'tib ketadi. Menimcha, bu futboldagi normal holat.

- "Xorazm"da o'tgan yilgiga nisbatan pasayish bor.

- SHunday, chunki o'tgan yilgi jamoaning 80% yo'q. Yangi futbolchilarga vaqt kerak. Rokki Marchiano Dubay klubiga o'tdi, to'rt nafar futbolchimiz "Surxon"da. Xullas, 80% tarkib o'zgargan.

- Darvozabonning oxirgi harakatini qanday baholaysiz?

- Noto'g'ri qildi. Futbolchimiz hissiyotga berilib ketdi. Hakam qizil kartochka berganini kiyinish xonasiga kirganimda bildim.