Xavi "Atletik"ka qarshi o'yin haqida: "Uch o'yin "Barselona"ni sovrindan ajratib turibdi"

Kataloniya klubi bosh murabbiyi ushbu uchrashuv oldidan fikrlarini bildirdi.

"Bu muhim uchrashuv, sovrin uchun kurashda mag'lub bo'lgan jamoa turnirdan chiqib ketaveradi. Bunday raqib bo'lishini istamagandik, ular o'z maydonida, o'z muxlislari qarshisida o'ynashadi, murabbiyi ham ajoyib. Ushbu bosqichdagi eng kuchli jamoalardan biri. O'tgan kunlarda ular "Valensiya"ga mag'lub bo'lishdi, biroq ular juda yaxshi o'yin ko'rsatishmoqda va yaxshi pressing qilishadi.

Og'ir o'yin bo'ladi. Biroq biz bunga tayyormiz. Hali hech kim yutmagan ushbu stadionda biz g'alaba qozongandik. Uch o'yin bizni sovrindan ajratib turibdi.

Ertangi o'yinda g'alaba qozonish yaxshi ish bo'lardi, keyin yarim va final. Yaxshi o'yin ko'rsatish kerak. O'tgan uchrashuvdagi 10 daqiqani inobatga olmaganda biz juda tartibli o'yin ko'rsatdik. Lekin ertaga to'pni bunchalik ko'p ushlab tura olmamiz. "San-Mames"dagi atmosfera "Benito Vilyamarin"chalik emas", - dedi Xavi.