Xaver Agirre Misrga kelyapti
30 iyu 2018 14:32
Yangiliklar

Xaver Agirre Misrga kelyapti

Jahon chempionatidan so'ng bosh murabbiysiz qolgan Misr terma jamoasida tez orada yangi murabbiy ish boshlaydi.

Malumki, ushbu yurt terma jamoasini bungacha Ektor Kuper boshqarib kelayotgandi. Lekin misrliklar JCH-2018dagi barcha o'yinlarda mag'lub bo'lgach, argentinalik mutaxassisga chiqish eshiklari ko'rsatildi.

Endilikda esa bu jamoani meksikalik murabbiy Xaver Agirre qabul qilib olishga yaqin. Bu haqda Misr futbol federaciyasi vakili Essam Abdel Fatah jurnalistlarga malum qildi. "Tez kunda Xaver Agirre Misrga tashrif buyuradi va shartnoma imzolaydi. Agar hech qanday muammo ro'y bermasa, u terma jamoamizning yangi murabbiyi bo'ladi. To'g'ri, bizda Vohid Xalilxodjich varianti ham bor, lekin Agirre har tomonlama mos kelishini hisobga oldik. U taktik juda kuchli murabbiy", - deydi Misr FF vakili.

Havola :

Manba : arabnews.com

Yangiliklarni Telegramda o'qing!

Reyting: +9