Xalk vs Denisov

Ushbu o'yindan oldin rossiyalik hamkasblarimiz bahsdan oldin eng asosiy qarama-qarshiliklarni tuzib chiqdi. Ular orasida o'zbekistonlik Vitaliy Denisov va "Zenit"ning braziliyalik hujumchisi Xalk ham bor.

"Bu mavsumda ikkala futbolchi ham juda ajoyib o'ynashmoqda. 60 millionlik braziliyalik artist Andre Villash-Boash Piterga kelgach shou ketidan shou namoyish etmoqda.

O'zbekiston terma jamoasi azosi esa o'z qanotidan Roberto Karlosdek yugurishda davom etmoqda, bundan tashqari Bekxemning to'p uzatishlarini ham amalga oshirib turibdi. O'tgan mavsumda Xalk va Denisov bir-birlariga qarshi o'ynashgandi. Tan olish kerak braziliyalik futbolchi Denisovdan ustun kelgandi. Juda katta farq bilan ustun kelgandi.

Biroq o'sha vaqtda Denisov "Lokomotiv"ga va Rossiya chempionatiga endi moslashayotgandi. Hozir esa u o'yinning istalgan vaqtida, istalgan raqibga eta oladi. Umuman olganda "Xalk" - "Tor"ga qarshi. Gollivud kinolariga qiziquvchilar uchun bu ayni muddao".



sport-express.ru saytidan tarjima qilindi.