"Volfsburg" FIFA futbol simulyatori vice-chempioni bilan shartnoma tuzdi
21 jan 2016 11:56
Yangiliklar

"Volfsburg" FIFA futbol simulyatori vice-chempioni bilan shartnoma tuzdi

"Volfsburg" klubi kibersport yo'nalishida ham yangi cho'qqilarni zabt etmoqchi.

Klub angliyalik FIFA 16 futbol simulyator o'yinchisi Devid Bayzevey "DaveBtw" bilan shartnoma tuzdi.

Bundan tashqari, "Volfsburg" geymerlar uchun stul ishlab chiqaruvchi "NEEDforSEAT" bilan homiylik bitimiga imzo chekdi.

"Biz bu yo'nalishda Bundesliga jamoalari orasida etakchi bo'lmoqchimiz. Maqsadimiz - haqiqiy va virtual futbol o'rtasidagi aloqalarni yaxshilash.

FIFA yildan-yilga haqiqiy futbolga o'xshab boryapti, ko'plab futbolchi va muxlislar orasida ushbu o'yin juda mashhur" - deydi "Volfsburg" sport direktori Klaus Allofs.

Oldinroq "Volfsburg" Benedik Salcer "Salz0r" bilan shartnoma imzolagan edi. U musobaqalarda bir necha marotaba klub sharafini himoya qilgan.

Tez orada ikki kibersportchi ham Go4Cup va Gfinity onlayn-chempionatlarda ishtirok etishadi. Salcer 22dan 24 yanvagacha Germaniyada bo'lib o'tadigan Dreamhack Leipzig turnirida ham qatnashadi.

Devid Bayzevey "DaveBtw" 1993 yilning iyulida Angliyada tug'ilgan. U 2014 yilda Rio-de-Janeyroda bo'lib o'tgan FIFA (FIWC) bo'yicha jahon chempionatida kumush medali sohibiga aylangan.

Havola :

Manba : championat.asia

Yangiliklarni Telegramda o'qing!

Reyting: +1