"Vodiy futboli": Bugun "Andijon" "Bunyodkor", "Navbahor" "Dinamo" bilan o'ynaydi

"Andijon": Bugun "Bunyodkor"ga qarshi o'yin

“Andijon” jamoasini Toshkentda o'tkazayotgan tayyorgarligi davom etmoqda. Kecha tarkibga legionerlarimiz Gennadiy Moshnyaga bilan Predrag Vuyovich qo'shilishganini xabar qilgandik.
 
Bugun jamoamiz poytaxtdagi ikkinchi nazorat uchrashuvida maydonga tushadi. Raqibimiz “Bunyodkor” klubi bo'ladi. O'yin “Bunyodkor” akademiyasi maydonida bo'lib o'tadi. Ertaga jamoamiz “Olmaliq” o'rinbosarlari bilan kuch sinashadi. 26 iyul kuni esa Dukentda “Dinamo” jamoasiga qarshi o'yin bo'lib o'tadi.


"Navbahor": Bugun "Dinamo"ga qarshi bahs

Namanganning "Navbahor" klubi bugun Samarqandning "Dinamo" klubiga qarshi o'rtoqlik uchrashuvini o'tkazadi.

Baxtiyor Ashurmatov boshchiligidagi jamoa 26 iyul sanasida esa G'uzorning “SHo'rtan” jamoasi bilan kuch sinashadi.


"Neftchi": Toshketdagi yig'inni durang bilan tugatdik

Farg'onaning "Neftchi" klubi Toshkentdagi qisqa yig'inni yakunladi. Kecha "So'g'diyona"ga qarshi kechgan bahsda durang qayd etildi - 0:0.

Murod Ismoilov boshchiligidagi jamoa ikkinchi davra boshlanguniga qadar Qirgulida tayyorgarlik ko'radi.

So'g'diyona (Jizzax) – Neftchi (Farg'ona) - 0:0
Hakam:  R.Serazetdinov (Tashkent shahri)
"Neftchi": E.CHeremisin,  J.Mehmonov,  A.Kashkaval,  A.Olimov, D.Ermatov, SH.Po'latov, J.Rasulov, A.Xolmatov, B.Yoqubov, M.Saidov, SH.Hakimov.
Zaxira: S.Smordin, U.Qodirov, Dadaboev, Mahamadjonov, Nurmatov, Qulmatov.