Viktor Karpenko: "Bizning futbolchilar nafaqat Eron, balki undan ham kuchliroq jamoalarni mag'lub etishga tayyor"

"O'zbekiston milliy terma jamoasiga Jahon chempionati saralash o'yinlari va Osiyo kubogida muvaffaqiyatli ishtirok etishini tilab qolaman. Jamoaning o'rtoqlik uchrashuvlaridagi o'yinlari shuni ko'rsatdiki, futbolchilar ham jismonan, ham taktik taraflama yaxshi tayyorgarlik ko'rishgan. Barcha turnirlarda ijobiy natijalar qayd etadigan jamoa shakllangan. 

Eron futboli, klublari va terma jamoalari ancha yillardan beri barqaror va yuqori saviyada o'yin ko'rsatmoqda. O'zbekiston terma jamoamiz istalgan raqib bilan tengma-teng o'ynashi mumkin. Eron bilan o'yinda ham teng kurash kutmoqdaman. Bizning futbolchilar nafaqat Eron, balki undan ham kuchliroq jamoalarni mag'lub etishga tayyor", - deydi Viktor Karpenko.