Vetnam U-20 ustozi: "Ikkinchi uchrashuvda ham g'alaba qozonsak, pley-off bosqichini naqd qilib qo'yamiz"
02 mar 2023 19:20
Yangiliklar

Vetnam U-20 ustozi: "Ikkinchi uchrashuvda ham g'alaba qozonsak, pley-off bosqichini naqd qilib qo'yamiz"

Vetnam U-20 terma jamoasi bosh murabbiyi Xoang An Tuan Avstraliya U-20 bilan uchrashuvdan so'ng (1:0) fikrlarini bildirdi.

"Barcha o'yinchilarni tabriklaymiz. Biz o'zimiz xohlagan natijaga erishdik va ular ajoyib o'yin ko'rsatishdi. Avstraliya terma jamoasini o'rganib chiqqan edik va bu bizga foyda keltirdi. Biz ularning kuchli va zaif tomonlarini o'rgandik va bu bizga shunga yarasha reja tuzish imkonini berdi.

Erta urilgan gol ham katta ustunlik berdi va xotirjam o'ynay boshladik. Keyingi uchrashuvlarda ham g'alaba qozonishga xarakat qilamiz. Jamoa bugun mehnat qildi va g'alabaga loyiq edi. Keyingi bahs Eronga qarshi, eronliklar kuchli tarkibga ega va ularga qarshi bahs oson bo'lmaydi, lekin bizning maqsadimiz g'alaba qozonish.

Agar ikkinchi uchrashuvda ham g'alaba qozonsak, pley-off bosqichini naqd qilib qo'yamiz. Eronga qarshi uchrashuvda ko'proq tajovuzkor o'ynashimiz kerak, chunki Eron kurashuvchan jamoa", – dedi vetnamliklar ustozi.

Havola :

Manba : championat.asia

Yangiliklarni Telegramda o'qing!

Reyting: +1