Vesko Steshevich: "Metallurg" eng yomon o'yinini o'tkazdi"

- Ilk navbatda "Nasaf"ni g'alaba bilan tabriklayman, ular bunga loyiq edi. Bugun biz har tomonlama mag'lub bo'ldik. Bu ushbu mavsumdagi eng yomon o'yinimiz bo'lsa kerak. Bahsni juda yomon boshladik. Ammo o'yin davomida asta-sekinlik bilan o'zgartirishlar kiritishga intildik, biroq bu amalga oshmadi. Albatta, bahona qilmoqchi emasman, biroq SHoyqulovning yo'qligi tasirini o'tkazdi. SHuningdek, O'rinboev maydonni tark etgani ham bizga katta tasir qildi. Ushbu futbolchilar biz uchun juda muhim. Lekin jamoa bir yoki ikki futbolchiga bog'lanib qolishi - juda yomon. Ayrim futbolchilar o'zlarini ko'rsatish uchun harakat qilgan bo'lishlari mumkin, biroq umuman olganda biz juda-juda yomon o'ynadik. CHunki ko'plab futbolchilar o'zlarining darajasidan pastroq harakat qilishdi. SHu sababli "Nasaf"ning g'alabasini adolatli deb hisoblayman va ular yanada yirikroq hisobda g'alaba qilishlari mumkin bo'lgandi deb o'ylayman.

- O'rinboevning jarohati jiddiy emasmi?

- Ertaga uni tibbiy tekshiruvlardan o'tkazamiz. Umid qilamanki, jarohat jiddiy emas. Albatta, biroz qo'rqinchli holat, lekin barchasi yaxshi bo'lishiga ishonamiz.

- "Metallurg" oldingilariga qaraganda kuchsizroq o'ynadi.

- Aytganimdek, ayrim futbolchilarimning yo'qligi, O'rinboevning jarohat olishi tasir qildi. Bazi futbolchilarning bugungi o'yinlari umuman yoqmadi. Barchasini taxlil qilib chiqamiz.