Vadim Abramov: "Yaxshi jamoaga qarshi qiyin g'alabaga erishdik"

"Yaxshi jamoaga qarshi qiyin g'alabaga erishdik. "Aral" yaxshi o'yinga ega jamoa ekanligini bilardik. Birinchi bo'limda yaxshi vaziyatlarga ega edik, ammo to'p darvozaga kirmadi. Natijada, o'yin yakuni tobora yigitlar shosha boshlashdi va bunday vaziyatda yaqqol vaziyatlar yuzaga kelishi qiyin edi. O'zgarishdan keyin hisobni ochdik va yakunda muhim 3 ochkoga ega chiqdik. Eng asosiysi shu. 

Nukus jamoasining "Loko"ga qarshi o'yinini tomosha qilib, o'rgangan edik. O'shanda ham ular yaxshi o'yin namoyish etgandi.

Erkin Boydullaev va Evgeniy Nazarovning tarkibda yo'qligi nima bilan bog'liq? Har ikki o'yinchi ham jarohat sababli bugun bizga yordam bera olishmadi.

Keyingi o'yin "Xorazm"ga qarshi bo'ladi va bu klub ham hurmatga sazovor jamoa. 

Bugun yigitlar ko'rsatmalarni to'g'ri bajarishdi, faqat shoshishgani uchun ko'p xato qilishdi", - dedi Vadim Karlenovich.