Vadim Abramov: “Nesterovning penalti qaytargani meni ajablantirdi”

– Yigitlarga o'yin uchun rahmat! Ular bugun chiroyli va mazmunli futbol namoyish etishdi. Peshqadam jamoa bilan bellashdik. CHempionatda 12 ta jamoa qolishi haqidagi qarordan so'ng vaziyatimiz ancha qiyinlashdi. Qaror futbolchilarning ruhiyatiga tasir qilish tabiiydir. Murabbiylar shtabi bilan jamoani bahsga tayyorlashda qiyinchiliklarga duch keldik.

Penaltilar borasida yana omadimiz kelmadi. Bu futbolchilarning ruhiyatiga bog'liq holat deb o'ylayman. Penaltilarni himoyachilar ko'proq aniq bajarishlari uchun bugun mazkur masuliyatni ularga topshirgandim. O'sha vaziyatda Mamazulumov penalti tepishga shay holatda edi, biroq mening qarorim bilan boshqa futbolchi tepdi. Undan tashqari Ignatiy Nesterovning penalti qaytargani ham meni ajablantirdi, – dedi Abramov.