Vadim Abramov: "Geynrix asablarini jilovlay olmadi"

"So'nggi paytlarda bizga oson bo'lmayapti. Bugungi o'yin haqida gapiradigan bo'lsam, bizda o'yinni o'z qo'liga oladigan futbolchi etishmadi. Terma jamoaga 4 nafar futbolchimiz chaqirilgan. Undan tashqari diskvalifikaciya qilingan futbolchilar bor edi", - deydi Vadim Abramov.

"Keyingi o'yinimiz "Paxtakor" bilan bo'ladi. Ushbu o'yinda Geynrix va Lutfulla To'raev bizga yordam bera olmaydi. Ko'rib turganingizdek 6ta yo'qotish. "Paxtakor" termaga o'yinchilarni bergani uchun o'yinlarni qoldirmoqda. "Lokomotiv" ham shunday qilishi mumkinmi? Biz bunday qilmaymiz".

"Geynrix qizil olgan holatga to'xtaladigan bo'lsak, Sashadek futbolchi bunday qilishi kerak emasdi. Lekin asablarini jilovlay olmadi".

"Andijon" bizga qarshi tayyorgarlik ko'rgani bilindi. O'yin boshida yigitlarim tashabbusni raqibga berib qo'ydi va tezkor gol o'tkazib yubordik. Albatta bugun shogirdlarimga ko'p etirozlarim bor".