Umarali Rahmonaliev "Rubin" safiga qo'shildi

Futbolchi klub bilan uch yarim yillik shartnoma imzoladi. Umarali Rahmonalievning sobiq jamoasi bilan kelishuvi 2022 yilning 31 dekabriga qadar tuzilgan, biroq klublarning o'zaro kelishuviga ko'ra futbolchi endilikda "Rubin" safida mashg'ulotlarda qatnashishi mumkin.

2003 yilda tug'ilgan futbolchi Superliga yakuniga etgan mavsumida "Bunyodkor" libosida 21 ta o'yinda maydonga tushib, 6 ta gol urdi va 1 ta golga assistentlik qildi.

Avvalroq u eng yaxshi yosh futbolchi nomiga davogarlik qilayotgani malum bo'lgan edi.