U-19 OCH: O'zbekiston BAA bilan o'yindan oldingi mashg'ulotlarini o'tkazdi

Kechagi mashg'ulotlarda Indoneziyaga qarshi o'yinda jarohat olib maydonni tark etgan himoyachi Odil Hamrobekov, hamda kichik jarohati bo'lgan terma jamoa sardori Javohir Sohibovlar ishtirok etishmadi.

Bugun Ravshan Haydarov shogirdlari Toshkent vaqti bilan 17:00da (mahalliy vaqt bilan 18:30da) BAA terma jamoasiga qarshi maydonga tushishadi. Indoneziya yoshlar terma jamoasi esa, 2-turda Avstraliya bilan kuch sinashadi

Eslatib o'tamiz, ilk turda O'zbekiston yoshlari Indoneziya ustidan 3:1 hisobida g'alaba qozongan bo'lsalar, Avstraliya va BAA o'rtasidagi o'yinda 1:1 hisobi qayd etilgan.

Kecha, musobaqaning A va C guruhlarida 2-tur o'yinlari o'tkazildi. Jumladan A guruhida dastlabki o'yinda Tailandga mag'lub bo'lgan Eron bu safar Yaman terma jamoasiga ham mag'lub bo'ldi - 0:1 va musobaqadan muddatidan oldin chiqib ketdi. Dasltabki turda Eronni mag'lubiyatga uchratgan Tailand esa, mezbon - Myanma yoshlariga yirik 0:3 hisobida mag'lub bo'ldi.

Musobaqaning C guruhida ham kecha ikki uchrashuv bo'lib o'tdi. Dastlabki turda Yaponiyani mag'lub etgan Xitoy yoshlari Janubiy Koreya bilan o'yinda 0:0 hisobida durang o'ynagan bo'lsa, Yaponiya Vetnamni mag'lubiyatga uchratdi - 3:1.