Tyago Alkantara ukasi Rafinyani qo'llab-quvvatladi

Rafinya "Roma"ga qarshi o'yinda jiddiy jarohat olib 6 oyga safdan chiqqan edi.

"Mana endi onamning so'zlarini tushunib etdim: "Undan ko'ra mening tizzalarim jarohat olgani yaxshi edi". Hozir o'zimni onamning o'rnida ko'rdim va uni tushundim. Onam ham sen haqingda xuddi men kabi qayg'urayotganiga ishonaman. Biz doimo orzularimiz ushalishi uchun kurashishimiz, irodali bo'lishimiz kerakligini eshitar edik. Ammo bizga hech kim yo'llar sirpanchiq ekanligini aytmagan. Tez orada tuzalib ketishingga tilakdoshman. Seni yaxshi ko'raman, ukajon" - deydi Tyago.