"Tottenxem" xavbeki "Yuventus"ga o'tmoqchi

"Tottenxem" yarim himoyachisi Per-Emil Xyoyberg "Yuventus"ga o'tmoqchi. Bu haqda "La Gazetta dello Sport" xabar bermoqda.

Avvalroq "byankoneri" daniyalikni Pol Pogbaga o'rinbosar sifatida ko'rayotgani haqida xabar berilgandi, chunki franciyalik futbolchi uzoq muddatga diskvalifikaciya qilinishi mumkin.

Agar "Yuventus" Pogba bilan shartnomani bekor qilishga qaror qilsa, uning o'rniga Xyoyberg asosiy nomzod bo'ladi. Daniyalik Turin klubining qiziqishidan xabardor va ko'chib o'tishga tayyor. U Londondagi hozirgi vaziyatidan mamnun emas.

28 yoshli xavbek joriy mavsum bir uchrashuvda o'rtacha 13 daqiqani maydonda o'tkazmoqda. U yanvarda "Tottenxem"ni tark etmoqchi.