Toma Tabatadze: “Navbahor” joriy mavsumda o'zi qatnashadigan barcha musobaqalarda zafar quchishni maqsad qilgan”

"Bejizga bo'lajak bahs “Yil o'yini” deya tariflanmayapti. Boisi, har ikki jamoa joriy mavsumda o'z oldiga yuksak maqsadlar qo'ygan va ayni paytda “Navbahor” turnir peshqadami bo'lsa, “Paxtakor” amaldagi chempion.

Bundan tashqari, o'tgan turdagi uchrashuvda har ikki jamoa ham muhim ochkolarni yo'qotdi.Biz Bekoboddagi o'yinning hakam tomonidan qo'shib berilgan vaqtida o'z darvozamizdan to'p o'tkazib yuborib, g'alabani qo'ldan chiqargan bo'lsak, “sherlar” o'z maydonida “Neftchi”dan mag'lubiyatga uchradi.

SHu bois, bo'lajak bahsning ahamiyati har ikki jamoa uchun yuqori.

Takidlaganimdek, o'tgan turda muxlislarni ranjitib qo'ygandik. “Paxtakor”ga qarshi kechadigan bahsda maydonga g'alaba ishtiyoqida tushib, zafar quchib, ishqibozlarga quvonch ulashamiz, degan umiddaman.

Bo'lajak o'yindagi g'alaba sovrinli o'rinlar uchun kurash yo'lidagi raqobatchilarimizdan ochkolar bo'yicha o'zib ketib, peshqadamlik mavqemizni yanada mustahkamlashga yordam beradi.         

Umuman olganda, mazkur bahsning keskin kurashlar ostida, shiddatli, tomoshabop va qiziqarli tarzda kechishi ehtimoli yuqori.

Muxlislarimizning stadiondan uylariga yaxshi kayfiyatda qaytishlarini taminlash uchun barcha imkoniyatimizni ishga solamiz.   

“Navbahor” joriy mavsumda o'zi qatnashadigan barcha musobaqalarda zafar quchishni maqsad qilgan.   

Buni amalga oshirish uchun esa biz – futbolchilar qo'ldan kelganicha harakat qilamiz", dedi gruziyalik hujumchi.

Eslatib o'tamiz, "Navbahor" — "Paxtakor" uchrashuvi 10 avgust kuni soat 20:00 da start oladi.

"Toma Tabatadze vadasini bajaradi. Jamoani yarim yo'lda qoldirmayman" — sevimli futbolchisi sharafiga familiyasini "o'zgartirgan", "qirol" laqabini olgan hamda "Navbahor" safida gol urgan gruziyalik legioner bilan yaqindan tanishamiz