Tohir Kapadze: "Ketma-ket duranglardan fojia yasash kerak emas"

- Albatta "Bunyodkor-2" qarshi bahsga faqat g'alaba uchun tushgandik. CHunki maqsadimiz oliy ligaga chiqish. SHunday ekan har bir turda uch ochko uchun kurashmoq lozim. Lekin kecha "Bunyodkor-2" bilan uchrashuvda ham ikki ochko yo'qotdik. Futbolda ko'p narsa omadga bog'liq. Uchrashuv teng kurashlar ostida kechdi. SHogirdlarim yutish uchun qo'plab qulay vaziyatlarni yaratdi. Ammo ulardan unumli foydalanishga kelganda sovuqqonlik etishmadi. Raqib jamoa ham chakki emas. Tarkibida yoshlar terma jamoasiga nomzod bir qator o'yinchilar to'p tepmoqda. Bu jamoani o'yini menga yoqdi. Maydon xolatining hozircha yaxshi emasligi ham salbiy tasir o'tkazdi. Biz uchun mavsum endi boshlandi. Hali hammasi iziga tushib ketadi. Men bunga ishonaman. O'z har mavsum boshida shunday kutilmagan natijalar qayd etilib keladi. Xususan ushbu turda Toshkentda "Kosonsoy"ning "NBU-Osiyo" ustidan 2:0 hisobida g'alaba qozonishini kim ham o'ylabdi deysiz. Undan tashqari "Xotira-79" ham "Oq-tepa"ni mag'lub etib turganda, uchrashuvning oxirgi 5 daqiqasida ikkita gol o'tkazib yuborib, g'alaba qozonishini olaylik. Futbolda shunaqasi ham bo'lib turadi.  

- 2-turda o'z maydonimizda "Lokomotiv-BFK"ga qarshi o'yinda ham durang qayd etganimiz yigitlarga ruhiy tasir o'tkazmasdan qolmadi. Ketma-ket duranglardan ortiqcha fojia yasash kerak emas. CHunki futbolda g'alaba va mag'lubiyat doimo yonma-yon yuradi. Bizku durang o'ynadik. Bu Kubok o'yini degani emas, ertagayoq ishtirokni to'xtatgani. CHempionat uzoq davom etadi. Aslida har mavsum boshida shunday bo'ladi. CHempionatning 5-6 turi qandaydir hayajon va boshqa sabablarga ko'ra kutilgan o'yinni ko'rsatish qiyin bo'ladi. SHundan so'ng esa hammasi iziga tushadi. Demoqchimanki, bu vaqtinchalik xolat. Yil boshida oldimizga elitaga chiqish vazifa qo'yilgan. Buni bajarish yo'lida oxirigacha kurashamiz.

- Pro licenziyasiga o'qiyotgandim. SHu oxirgi ikki o'yinda aynan o'qish sababli jamoada ko'p vaqt bo'la olmadim. "Lokomotiv-BFK"ga qarshi bahsga o'sha kuni etib bordim. "Bunyodkor-2" bilan esa uchrashuvdan bir kun oldin borgandim. Bu ham kishini chalg'itish bilan birga toliqtirib qo'yishi turgan gap. O'qish ham kerak. Bugun mana Pro licenziyasi uchun dissertaciya yo'qladik. Tegishli licenziyaga ega bo'ldik. Endi bor etiborimizni klubdagi ishga qaratamiz.

Islombek Rustambekov suhbatlashdi.