Timur Kapadze: "Qirg'iziston yaxshi himoyalandi. Bunday himoyani yorib o'tishga mahorat va ko'proq harakat kerak"
11 iyu 2023 22:53
Yangiliklar

Timur Kapadze: "Qirg'iziston yaxshi himoyalandi. Bunday himoyani yorib o'tishga mahorat va ko'proq harakat kerak"

O'zbekiston U-23 terma jamoasi va Qirg'iz Respublikasi olimpiya terma jamoasi o'rtasidagi o'rtoqlik o'yinidan so'ng O'zbekiston olimpiya termasi bosh murabbiyi Timur Kapadze o'yin haqidagi fikrlari bilan bo'lishdi.

- O'yin haqida

- O'yin kerak edi. Ikkala jamoaga ham. Biz bu o'yinga zo'riqish bilan keldik. Lekin, o'yin yaxshi bo'ldi. Ko'proq gol urishimiz ham mumkin edi. Ikkinchi bo'limda yoshlarni ham ko'zdan kechirib oldim. Qaerdadir muammolar bor, bularni ustida ishlaymiz. Qirg'iziston yaxshi himoyalandi. Bunday himoyani yorib o'tishga mahorat va kuch kerak.

- Husayn Norchaev jamoaga qo'shilib keta olmagandek tuyuldi...

- Husayn o'z jamoasida anchadan beri o'yin amaliyotisiz qolmoqda. U hozir tonusda emas. Bu narsaga sabab shu. Husaynning potencialini yaxshi bilamiz. Futbolchi o'ynab turishi kerak. Bugun xavo ham ancha issiq bo'ldi. Buni ham takidlab o'tish kerak.

- Juda ko'p rotaciya qilmoqdasiz. Lekin asosiy tarkib oxirgi o'yinlariga tayyor deb o'ylaysizmi?

- Bunga o'rtoqlik o'yinlari kerak. Tekshiryapmiz, ko'zdan kechiryapmiz. Oxirgi pallalarda eng kuchlilarni tanlab olamiz. Har bir o'yinchining potencialini taxminan bilamiz. Bu yig'inlar ham shu sabab kerak.

Havola :

Manba : championat.asia

Yangiliklarni Telegramda o'qing!

Reyting: +6