“Taqdirimga “Andijon”da o'ynash nasib qilgan ekan” yoxud Suhrob Berdievning yangi jamoasi haqida fikrlari qanday?

Futbolchi “Andijon” klubi bilan shartnoma imzoladi. SHundan keyin u bilan bog'lanib, fikrlariga quloq tutdik.

- Yangi jamoaga o'tishingiz qay tariqa amalga oshdi?

- Hammasi oddiy amalga oshdi. Klub menga taklif bilan chiqdi. Aslida qishda ham taklif bo'lgan va jamoa bilan birga edim. Keyinchalik u erdan ketib qolgandim. Yozgi transfer vaqtida yana chaqirishdi. Taqdirimga baribir “Andijon” safida o'ynash yozilgan ekan, keyinchalik bo'lsa ham jamoa bilan shartnoma imzoladim. 

- SHartnoma muddati qanchaga mo'ljallangan?

- Hozircha yil oxirigacha mo'ljallangan shartnomaga imzo chekdim. Xudo xohlasa, jamoa oldiga qo'yilgan vazifani bajarsak, keyinchalik rahbariyat bilan kelishuvni yana uzaytirish borasida gaplashib ko'rishimiz mumkin. 

- Qishda jamoa bilan birga edingiz. Keyinchalik nima sababdan ketib qoldingiz? Viktor Kumikov sizda qanday taassurot qoldirdi?

- Juda yaxshi mutaxassis. Viktor Balyutich qishda yuz bergan tushunmovchiliklarni esdan chiqarib, men yaxshi kayfiyatda qabul qilib oldi. Tushunmaganlarimni o'rgatib bormoqda. Hozirda hammasi juda yaxshi.

- “Andijon”ning Superligaga qaytish imkoniyatini qanday baholagan bo'lardingiz?

- Xudo xohlasa, imkoniyatlarimiz juda yaxshi deb o'ylayman. Oldinda turgan bahslarda ijobiy natijalar qayd etmoqchimiz. O'ylaymanki, jamoa bilan Superligaga qaytish vazifasini uddasidan chiqamiz. 

- Mavsumning birinchi qismini “Yangier” klubida o'tkazdingiz. U erdagi faoliyatingiz borasida nimalarni ayta olasiz?

- U erda hammasi yaxshi bo'ldi deya olaman. To'g'ri, mavsumning boshida biroz qiyin bo'ldi. Natijalarimiz ham yaxshi bo'lgani yo'q. Keyinchalik sekin-asta ochkolarni qo'lga kiritdik. O'yinimdan ham qoniqish hosil qila boshlagandim. SHu o'rinda “Yangier” jamoasi rahbari, murabbiylari, muxlislariga o'z minnatdorchiligimni bildaman. Jamoaning ikkinchi davradagi o'yinlariga faqat omad tilayman.