Tachmurad Agamurodov: “Nasaf” - OCHLda qatnashgan jamoalar orasida eng mazunli o'yin - ko'rsatgan jamoa

-Bugun bizga qiyini bo'lishini bilardik, -deya so'z boshladi Tachmurad SHamakovich.  -“Nasaf” Osiyo CHempionlari ligasi ishtirokchisi, o'yin tashkil etish bo'yicha yuqori saviyaga ega jamoa hisoblanadi. SHuni alohida qayd etishim lozim: biz OCHLda ishtirok etgan o'zbek klublari orasidan “Nasaf” jamoasini o'yinni tashkil etishi menga ko'proq yoqqandi.

Afsuski, ilk hujumdanoq mudofaa chizig'i vakillarining o'zaro tushunmovchiligidan keyin gol o'tkazib yuborishga majbur bo'ldik. Bundan jamoaga qarshi o'yinni gol o'tkazib boshlash juda og'ir. SHunga qaramay yigitlar oxirigacha harakat qilishdi. Ikkinchi bo'limda futbolchimizning maydondan chetlatishi ham mag'lubiyatimizga muhim rol o'ynadi. Albatta, bu holat yuz bermaganda ham biz yana gol o'tkazishimiz va balki to'p kiritishimiz mumkin edi. Ammo fakt bu faktligicha qoladi.

Tarkibimizda hujumchi bilan bog'liq muammolar tufayli bugungi o'yinda Aziz Ibragimovni hujum chizig'ida o'ynatishga majbur bo'ldim. Umuman bizning zaxiramizda bir birini o'rnini to'ldiradigan futbolchi yo'q.