Superligada "jo'jani sanaydigan" palla keldi yoxud 22-tur ko'p narsaga oydinlik kiritib beradi
15 okt 2021 09:21
Yangiliklar

Superligada "jo'jani sanaydigan" palla keldi yoxud 22-tur ko'p narsaga oydinlik kiritib beradi

FIFA kunlari sababli yuzaga kelgan tanaffusdan so'ng bugundan etiboran Superliga bahslari davom ettiriladi.

22-turda muxlislarni bir qator qiziqarli uchrashuvlar kutmoqda, desak yanglishmaymiz.

Biz ushbu tur starti oldidan mutaxassis Murod Ismoilovning fikrlari bilan qiziqdik.

"Fikrimcha, ikkinchi o'rin uchun kurash olib borayotgan jamoalar yani AGMK, "Nasaf", "So'g'diyona", "Bunyodkor" intrigani oxirigacha ushlab turishadi",- deydi Murod Ismoilov.

Turnir jadvalining o'rtasidan joy olgan jamoalar "Lokomotiv", "Navbahor", "Qizilqum" jamoalarining imkoniyati qanday ? Bu borada mutaxassis shunday javob berdi.

"Nazariy jihatdan "Lokomotiv", "Qizilqum", "Navbahor", "Qo'qon -1912" jamoalarida ham imkoniyat bor. Biroq biroz qiyinroq. Yana kim biladi, futbolda hamma narsa bo'lishi mumkin.

Jadvalning quyi pog'onasida haqiqiy jang kechadi. "Metallurg", "Mashal", "Surxon", "Andijon", "Turon" jamoalarida imkoniyat teng, deya olaman. Mana shu tur ko'p narsaga oydinlik kiritib bersa kerak. Bekobod va Muborak shahri jamoasi ikkinchi o'rin uchun kurashayotgan klublarga qarshi o'ynaydi. "Turon" esa raqobatbatchisi bo'lgan "Surxon" bilan to'qnash keladi. "Andijon"ni safarda "Lokomotiv" bilan o'yin kutib turibdi. Hammaga omad tilayman ",- deydi murabbiy.