Superliga. 9-tur laureatlari

Championat.asia tur bahslari asosida tur laureatlarini aniqladi.

"Neftchi" bu tur Namanganda "Navbahor" mehmoni bo'ldi va 0:0 hisobida durang o'ynadi. Farg'onaliklar posboni shu kuni yaxshi o'ynadi va raqiblarning bir qator zarbalarini qaytarishga erishdi. SHu bois "Neftchi" posboni Akbar To'raev championat.asia sayti talqiniga ko'ra 9-turning eng yaxshi darvozaboni deb topildi.

"Nasaf" bu tur Qarshida "Qizilqum"ni qabul qildi va 5:0 hisobida yirik g'alabani tantana qildi. Ro'ziqul Berdiev jamoasi shu kuni tarkibi anchagina kuchaygan raqibga hech qanday imkoniyat qoldirmadi va ajoyib o'yin namoyish etdi. Championat.asia sayti talqiniga ko'ra, 9-turning eng yaxshi murabbiyi Ro'ziqul Berdiev bo'ldi.

Bu turda "Metallurg" yarim himoyachisi Damir Temirov "Dinamo" bilan bahs oxirida juda chiroyli gol urdi va tur goli muallifiga aylandi. 

"So'g'diyona" yarim himoyachisi Javohir Qahramonov "Surxon"ga qarshi bahsning ikkinchi taymida zaxiradan maydonga tushdi va ikkita gol urdi. SHu tariqa, Javohir Qahramonov championat.asia talqiniga ko'ra 9-turning eng yaxshi futbolchisi deb topildi.