Superliga. 8-tur laureatlari

Championat.asia tur bahslari asosida tur laureatlarini aniqladi.

"Navbahor" bu turda Samarqandda "Dinamo" mehmoni bo'ldi va 1:0 hisobida g'alaba qozondi. Namanganliklar posboni shu kuni yaxshi o'ynadi va raqiblarning bir qator zarbalarini qaytarishga erishdi. "Navbahor" posboni O'tkir Yusupov championat.asia sayti talqiniga ko'ra 8-turning eng yaxshi darvozaboni deb topildi.

"Surxon" bu tur Toshkentda "Paxtakor" mehmoni bo'lib, 2:2 hisobida durang o'ynadi. Anxel Lopes jamoasi amaldagi chempion maydonidan durang bilan qaytdi. Championat.asia sayti talqiniga ko'ra, 8-turning eng yaxshi murabbiyi Anxel Lopes bo'ldi.

Bu turda "Lokomotiv" himoyachisi Xurshidbek Muxtorov "Qo'qon-1912" bilan bahsda chiroyli gol urdi va tur goli muallifiga aylandi. VIDEONI KO'RISH

"Nasaf" yarim himoyachisi Oybek Bozorov "So'g'diyona"ga qarshi bahsda juda faol o'ynadi va ikkita gol urdi. SHu tariqa, Oybek Bozorov championat.asia talqiniga ko'ra 8-turning eng yaxshi futbolchisi deb topildi.