"Sporting" "Manchester Siti" o'yinchisini xarid qiladigan bo'ldi

Jurnalist Fabricio Romanoning xabariga ko'ra, Portugaliya klubi xarid qilish bandini faollashtirdi va ushbu oyning so'nggiga qadar rasmiy malumot beradi. "Sporting" 22 yoshli ispaniyalik futbolchi bilan uch yillik shartnoma imzolaydi, bitimda 45 million evro miqdoridagi tovon puli bandi bo'ladi.

"Manchester Siti" futbolchi uchun 8,5 mln evro oladi, shuningdek Angliya klubida o'yinchini 20 mln evroga qayta xarid qilish huquqi bo'ladi.

"Sporting" Porroni "Manchester Siti"dan 2020 yilning avgustida ijaraga olgandi. Futbolchi 2021/22 yilgi mavsum Portugaliya jamoasi tarkibida 33ta o'yinda maydonga tushib, 4ta gol va 7ta assist qayd etdi.