So'g'diyona: Jizzaxlik muxlislar Navoiyga borishadi

SHu kuni So'g'diyona Navoiyda Qizilqum jamoasiga qarshi maydonga tushadi. Jamoamizning ashaddiy muxlislari ushbu o'yinga tashrif buyurib, stadionda o'z sevimli jamoalarini qo'llab-quvvatlab turish uchun Navoiy shahriga kelishadi. Birinchi davraning so'nggi uchrashuvida So'g'diyona o'z muxlislari ko'z o'nggida suv va havodek zarur bo'lgan ochkoni qo'lga kiritish uchun maydonga chiqadi. Hozirda jamoadagi ichki muhit va futbolchilarning kayfiyatlari alo darajada. Tarkibda hech qanday yo'qotishlar yo'q. Futbolga befarq bo'lmagan barcha muxlislarni ertangi o'yinda o'z sevimli jamoalarini stadionda qo'llab-quvvatlashlariga chorlab qolamiz!

Eslatib o'tamiz Qizilqum - So'g'diyona jamoalari o'rtasidagi o'rinbosarlar uchrashuvi bugun 17:30 da boshlansa, asosiy tarkiblar o'rtasidagi o'yin esa ertaga soat 19:30 da boshlanadi.