"So'g'diyona" futbol maktabi, bunyod etilayotgan akademiya va Jizzax OZKga tashrifdan GALEREYA
02 apr 2022 13:54
Yangiliklar

"So'g'diyona" futbol maktabi, bunyod etilayotgan akademiya va Jizzax OZKga tashrifdan GALEREYA

O'zbek futbolining 110 yilligini keng qamrovli nishonlash maqsadida Jizzaxda o'zbek futbolining 110 yilligiga bag'ishlangan tadbir doirasida bugun "So'g'diyona" bolalar futbol maktabi, yangi qurilayotgan futbol akademiyasi hamda Jizzax Olimpiya zaxiralari kollejiga tashrif buyurdik.

Dastlab "So'g'diyona" futbol maktabida tahsil olayotgan jajji yigit-qizlarning mashg'ulot jarayoni bilan tanishdik.

Safarimizning davomi yangidan bunyod etilayotgan bolalar futbol akademiyasi bo'ldi. Bizga malumot berishicha, qurilishga jami 136.3 mlrd so'm mablag' ajratilgan. Ushbu akademiya noyabr oyida foydalanishga topshirishga mo'ljallanmoqda. Akademiyada 120 o'ringa mo'ljallangan yotoqxona va oshxona ham quriladi. Ushbu dargohda 11 murabbiy mashg'ulotlar olib borishi ko'zda tutilgan. Mazkur futbol maskaniga 12, 13, 14 va 15 yoshdan iborat bolalar to'rt guruhga qabul qilinadi.

SHuningdek, Jizzax Olimpiya zaxiralari kollejiga ham qadam ranjida qildik. Kollejda 750 o'rinli o'quv bino, 200 o'rinli "O'quvchilar turar joyi", 102x72 xajmdagi yopiq sport maneji, 21x50 xajmli ochiq suv xavzalari mavjud. Jizzax Olimpiya zaxiralari kollejida 18 ta sport yo'nalishlar bo'yicha o'quvchilar tahsil oladi. Kollejda 115 nafar o'qituvchi murabbiylar o'quvchilarga talim tarbiya berib kelmoqda.