"Siti" "Arsenal"ni engib, oldinga o'tib oldi - chorshanba oqshomida ECHL o'yinidan muhimroq bo'lgan bahs

"Manchester Siti" etakchilarning qoldirilgan chempionlik bahsida "Arsenal"ni safarda (3:1) mag'lub etdi.

Bu uchrashuvni katta ehtimol qo'pol xatolar jamlanmasi sifatida eslab qolamiz.

#1 xato. Tomiyasu oddiy vaziyatda De Bryuynega gol sovg'a qildi

Birinchi bo'limda Takexiro Tomiyasu kutilmaganda Kevin De Bryuynega golli uzatma etkazib berdi va belgiyalik to'pni oldinga chiqib kelayotgan Aaron Remsdeylning ustidan tashlab qo'ydi.

Yaponiyalik uzatmani to'xtatib qoldi va bir qarashda, to'pni to'liq nazoratiga oldi. 

Biroq uzatma darvozabonga emas, raqib futbolchisiga bo'ldi.

"Siti" etakchisi vaziyatga soniyalar ichida baho berdi va birinchi teginishdayoq to'pni darvozabonning ustidan tashlab qo'ydi.

Vaqtida, ideal ravishda va aniq

"Daily Mail" o'yindan avval asosiy tarkib himoya qanotida Ben Uaytni emas, aynan Tomiyasuni ko'rardi. Vaholanki yaponiyalik "Arsenal" APL doirasida oktyabr oyida asosiy tarkibda maydonga tushgandi. Biroq Kubok doirasida "Siti"ga qarshi u 90 daqiqa o'tkazdi. SHu bilan birga Moxamed Salaxni ishonchli qo'riqlay oldi. Bu safar o'xshamadi.

Xatosidan to'rt daqiqa o'tib, "samuray" ijobiy harakati bilan qaydnomaga kirishi mumkin edi. Biroq jarima maydonchasi o'rtasidan, ancha qulay nuqta bo'lishiga qaramay, noaniq zarba berdi. Ikkinchi bo'limda esa u assist qayd etishi mumkin edi – Eddi Nketia uzatmaga deyarli etib borgandi.

Forvard o'yindagi eng ko'p muhokama va munozaralarga sabab bo'lgan epizod ishtirokchisiga aylandi: birinchi bo'lim oxirida Nketia "Siti" kiperi Ederson bilan kontaktidan keyin hakam bahsli penalti belgiladi.

Endigina klublar o'rtasidagi jahon chempionati finalidan qaytgan Entoni Teylor, zarbadan keyingi kontakt uchun, 11 metrlik nuqtaga ishora qildi.

Bukayo Saka imkoniyatdan unumli foydalandi: Evro finalidagi omadsizlikdan keyin u APLda 4 ta penaltining barchasini golga aylantirdi. Umumiy olganda uning hisobida bu mavsum 8 ta gol va shuncha assist bor.

Ikkinchi taymda "VAR", penaltidagi vaziyatdan farqli ravishda, qarorga aralashdi. "Arsenal" darvozasiga penalti belgilandi – lekin keyin Erling Xolandning ofsaydi tufayli uni bekor qilishdi.