“SHo'rtan” futbol akademiyasida bitiruv kechasi bo'lib o'tdi

Bugun “SHo'rtan” futbol maktabida navbatdagi 2006 yilda tavallud topgan yosh iqtidorlar futbol akademiyamizni bitirishdi.

 Bitiruv kechasida tarbiyalanuvchilarning ota-onalari, ularning murabbiylari va klubimiz rahbariyati ishtirok etishdi. Tadbirni jamoamiz bosh menejeri SHamil Samigulovich Yarulin ochib berdilar va bitiruvchilarning keyingi faoliyatlariga omad tiladilar. Marosim davomida G'uzor “Markaziy” o'yingohi direktori Iskandar Bo'riev ham “qaldirg'ochlar”ga omad tiladi. Tadbir so'ngida SHuhrat Fayziev murabbiyligidagi 2006 yilda tavallud topgan tarbiyalanuvchilarga “SHo'rtan” futbol akademiyasini tugatganliklari to'g'risida guvohnoma va esdalik sovg'alar topshirildi.

Futbol akademiyamizda yana bir yangilikka qo'l urildi. Akademiyamizda nafaqat o'g'il bolalar balki qizlar ham charm to'p sirlarini o'rganishmoqda. Bugun 16 yoshdagi qizlarimiz ham futbol akademiyamizni tamomlashdi. Ularga ham guvohnoma va esdalik sovg'alar topshirildi.

Jamoamiz rahbariyati o'z tengqurlariga har tomonlama o'rnak bo'lgan bitiruvchilarning ota-onalariga ham ham klubimiz tashakkurnomalarini taqdim etishdi.