SHomurodov transfer qiymati bo'yicha "Rostov" hamda O'zbekistonda etakchi bo'lib oldi (jadval)

“Transfermarkt” hisob-kitobiga ko'ra, SHomurodov 6,5 mln. evroga (+ 4 mln.ga o'sgan) baholangan. 

Mazkur ko'tarilish SHomurodovni “Rostov”dagi eng qimmat futbolchiga aylantirdi. Undan keyingi o'rinlarda esa Matias Norman (6 mln. evro) hamda Aleksey Ionov (4,5) turibdi.

SHuningdek, 24 yoshli forvard O'zbekistonning ayni vaqtdagi eng qimmat o'yinchisiga ham aylanib oldi. U “SHanxay SIPG” azosi Odil Ahmedovni (4,5 mln) quvib o'tdi. Kuchli uchlikka esa “SHarja” yarim himoyachisi Otabek SHukurov yakun yasagan. 

Malumot o'rnida, Eldor Rossiya chempionati joriy mavsumida transfer narxi keskin ko'tarilgan 5 futbolchi qatoridan o'rin egalladi.

1. Magomed-SHapi Suleymanov («Krasnodar») – 6,5 mln.dan 12 mln. evroga (+5,5) ko'tarilgan;

2. Dmitriy Barinov («Lokomotiv») – 8 mln.dan 12 mln. evroga (+4) ko'tarilgan;

3. Matvey Safonov («Krasnodar) – 6 mln.dan 10 mln. evroga (+4) ko'tarilgan;

4. Zelimxan Bakaev («Spartak») – 4 mln.dan 8 mln. evroga (+4) ko'tarilgan;

5. Eldor SHomurodov («Rostov») – 2,5 mln.dan 6,5 mln. evroga (+4) ko'tarilgan.

Akmurzaev Eldor tayyorladi