SHerzod Azamov: "Birinchi o'yindagi xatolardan to'g'ri xulosa chiqardik"

"O'yin qiziqarli kechdi. Har ikkala jamoa hujumkor o'ynashga harakat qildi. O'ylashimcha, o'yin muxlislarga manzur keldi. Bizning jamoa yaxshiroq o'ynadi va g'alabaga loyiq edi. Uchrashuv so'nggida natija uchun himoyaviy o'yin ko'rsatdik. Imkon qadar yaxshi o'ynashga harakat qildik. G'alabaning asosiy omili - jamoaviy yaxshi o'yin ko'rsatdik. Barcha hamjihatlikda harakat qildi. O'tgan uchrashuvdagi xatolardan to'g'ri xulosalar chiqarildi. Bu bahsga murabbiylarimiz bizni yaxshi tayyorlashdi. Bu esa bugun o'z mevasini berdi. Safardagi bahsni ham boy bermasak ham bo'lardi. Lekin bazi xatolarimiz evaziga bu amalga oshmay qolgandi. Guruhdan chiqishga ko'zimiz etadi. Asosiysi shu tempda davom etish lozim. Keyingi o'yinlarda kerakli natijalarni qo'lga kiritish darkor. Murabbiy uchrashuvdan so'ng barchani g'alaba bilan tabrikladi va keyingi uchrashuvga taraddud ko'rish kerakligini takidladi. Endi bor diqqat-etibor chempionat doirasidagi "SHo'rtan"ga qarshi kechadigan bellashuvga qaratiladi. Keyingi bahslarda ham ishqibozlarimizni quvontirishga harakat qilamiz", - dedi SHerzod Azamov.