"SHanxay SIPG" bosh murabbiyi: "Men Villash-Boshdan yaxshiroq ishlashga harakat qilaman"

Malumki, Pereyra o'z vaqtida "Portu"da aynan Villash-Boashga yordamchilik qilgan. Bu mutaxassis joriy yilning may oyidan beri ishsiz yurgandi. Villash-Boash jamoasi Osiyo chempionlar ligasida finalga chiqa olmagani hamda Xitoy chempionatida ikkinchi o'rinni qo'lga kiritgani uchun istefoga chiqarildi.

Endilikda klubning yangi bosh murabbiyi Vitor Pereyra o'z fikrlari bilan o'rtoqlashdi:

- "Xitoy chempionati oxirgi yillarda ancha kuchaydi. Bu erda xorijlik murabbiylar ko'p va hamma o'zini ko'rsatishni xohlaydi. Men jamoaga yordam berish uchun bor kuchimni ishga solaman. "SHanxay SIPG" sovrinlar yutishi kerak. Men shu sababdan Xitoyga keldim. 2010-11 yilgi mavsumda Villash-Boash bilan birga "Portu"da ishlaganmiz. Undan ko'p narsa o'rganganman va endilikda o'zib ketishga harakat qilaman".