"Sevinch" jamoasini yangi mavsumda ham Vladislav Xan boshqaradi

"O'zbekistonda xizmat ko'rsatgan sport ustozi" Vladislav Xan 2023 yil so'ngiga qadar "Sevinch" jamoasini boshqarib boradi.

Vladislav Xan 2003 yildan 2021 yilga qadar "Sevinch" klubida murabbiy, bosh murabbiy va menejer sifatida faoliyat yuritdi. SHu davr mobaynida o'n uch marta O'zbekiston chempioni, o'n marta O'zbekiston Kubogi sohibi, ikki karra O'zbekiston Superkubogi sohibi, mini futbol bo'yicha o'n to'rt marta mamlakat chempioni, o'n marta O'zbekiston Kubogi sohibi. Plyaj (sohil) futboli bo'yicha etti marta O'zbekiston chempioni va shuncha marta O'zbekiston Kubogi sohibi bo'ldi. 

Bir yillik tanaffusdan so'ng jamoa yana Vladislav Xanga ishonib topshirildi. Vladislav Nikolaevich boshchiligidagi jamoa 2022 yilda O'zbekiston chempionligini va O'zbekiston Kubogini qo'lga kiritdi va 2023 yilda bo'lib o'tishi rejalashtirilgan xalqaro musobaqaga yo'llanmani qo'lga kiritdi.