Seid Seidov: "Bugun "Buxoro" grand jamoalar bilan tengma-teng o'ynay olishini isbotladi"

"Bugungi raqibimiz mahorat bobida bizdan ustunligi hech kimga sir emas.Lekin futbolchilarimiz bugun o'zgacha kayfiyatda va ruhda maydonga tushishdi. Jamoa o'z o'rnini oliy ligada saqlab qolganidan so'ng,ularda o'z kuchlariga bo'lgan ishonch yanada ortdi.Ular bugun barchaga amalda isbotlashdi,ular ham grand jamoalar bilan tengma-teng o'ynay olishlarini. "Buxoro" oliy ligada haqli tarzda o'rnini saqlab qoldi va bugungi o'yin bilan, jamoaning o'rni ham aynan oliy ligada ekanligi barchaga namoish etildi. Bu uchun ularga rahmat aytaman,kelajakda ham raqib qaysi jamoa bo'lishidan qatiy nazar bugungidek ishonch bilan maydonga tushib uynayveishsa,albatta yuqori cho'qqilarni zabt eta olishadi.

Bugun maydonda harakat qilgan yosh futbolchilar meni juda xursand qilishdi.Ularning ko'zida qo'rquv umuman yo'q edi,bugun jamoani umuman almashtirib qo'yganday holat yuzaga keldi.Qaniydi oldinroq shunaqa ishonch paydo bo'lganida edi...

Yigitlar bugun faqat g'alaba qozonishni maqsad qilib maydonga chiqishgandi,o'yin songida gol o'tkazib yubordik,va durang natija qayt etildi. Nima bo'lsa ham o'yin suratidan qoniqdim.

Kelajakdagi rejalarim borasida gapiradigan bo'lsam,birinchi navbatda uyga boraman. Uyimni, yaqinlarimni juda ham sog'indim, charchadim. Jamoadagi faoliyatim borasida hech nima deya olmayman, buyog'i rahbarlar qo'lida",- deya uz fikrini yakunladi Seid Seidov.