Sayfiddin Ermatovga “O'zbekiston sport faxriysi” ko'krak nishoni topshirildi

Tadbir Milliy Olimpiya qo'mitasida tashkil etildi. Unda MOQ Bosh kotibi Oybek Kasimov hamda O'zbekiston sport faxriylari kengashi raisi Bahodir Maxsitov ishtirok etishdi.

Malumot uchun, Sayfiddin Ermatov faoliyati davomida xalq orasida “CHig'atoy” futbol maktabi nomi bilan mashhur bo'lgan futbol bo'yicha Respublika Oliy sport mahorati maktabida murabbiy sifatida ishlagan. Tarkibida Server Jeparov, SHuhrat Mirxoldirshoev, Yaroslav Krushelnickiy, Yuriy Nikitov kabi iqtidorlarni jamlagan 1982 yilda tug'ilgan futbolchilardan iborat O'zbekiston o'smirlar terma jamoasi bosh murabbiyi bo'lgan. SHuningdek, futbol hakami va inspektori sifatida uzoq yillar samarali mehnat qilgan.

Faoliyati davomida ko'plab istedodli yosh hakamlarni tarbiyalashda katta hissa qo'shgan. SHogirdlari orasida FIFA referisi, futbol mundiallarini boshqarish bo'yicha jahonning mutlaq rekordchisi Ravshan Irmatov, shuningdek, jahon chempionatining yana bir ishtirokchisi Osiyoning eng yaxshi qanot hakamlaridan biri Abduhamidullo Rasulovni uchratish mumkin.

Tadbirda Sayfiddin Ermatov ko'rsatilgan etibordan mamnun ekanini bildirib, keyinchalik ham futbolimiz rivoji yo'lida mehnat qilishga tayyor ekanini takidladi.