Saudiya Arabistonining 26 futbolchidan iborat tarkibi elon qilindi

Yaqindagina terma jamoa boshqaruvini qo'lga olgan ruminiyalik mutaxassis ilk bor shogirdlarini mashg'ulotda 25 dekabrda sinab ko'radi. 26 dekabrda esa saudiyaliklar Avstraliyaga yo'l olishadi. Terma jamoa manfaati yo'lida chempionat va kubok uchrashuvlarini to'xtatib turishga Saudiya Arabistoni ichki musobaqalarini o'tkazishga javobgar tashkilot rozi bo'lmadi.

Natijada kecha bo'lib o'tgan kubok bahslaridan keyin futbolchilar 2 kun dam olib, keyin terma jamoa yig'iniga etib kelishadi. Oxirgi haftalarda Saudiya Arabistonida "Ittihod" - "SHabab", "SHabab" - "Nassr", "Ahli" - "Ittihod" va "Ittihod" - "Hilol" kabi jiddiy to'qnashuvlar kuzatildi. Terma jamoaga "Hilol"dan 8, "Nassr"dan 6, "Ahli"dan 6, "SHabab"dan 4 va "Ittihod"dan 2 futbolchi chaqirilgan. Bu o'yinchilardan 3 nafari yakuniy ro'yxatdan o'rin olmaydi.
Caudiya Arabistoni termasi 30 dekabr kuni Melburnda Bahrayn va 4 yanvar kuni Sidneyda Janubiy Koreya bilan o'rtoqlik uchrashuvlari o'tkazadi.

Saudiya Arabistoni terma jamoasi tarkibi
Darvozabonlar - Abdulloh Sudairi (Al Hilol), Abdulloh Alenazi (Al Nassr), Volid Abdulloh (Al SHabab).
Himoyachilar - Abdulloh Dossari, Yosir SHahrani (Al Hilol), Hassan Fallatah, Majid Marshadi (Al SHabab), Motaz Havsavi, Osama Havsavi, Said Muvallad (Al Ahli), Omar Otman (Al Nassr).
Yarim himoyachilar - Avdi Hamis, Ibrohim G'olib, Yahyo SHehri (Al Nassr), Fahad Muvallad (Al Ittihod), Mustafo Albassas, Taysir Jassim, Volid Bakshin (Al Ahli), Navaf Obid, Salman Alfaraj, Salim Davsari, Saud Kariri (Al Hilol).
Hujumchilar - Abdulrahmon G'amdi (Al Ittihod), Muhammad Sahlavi (Al Nassr), Naif Hazazi (Al SHabab), Nosir Al SHamroni (Al Hilol).