Samvel Babayan: "Vaziyatlarni golga aylantirishda oqsayapmiz"

O'yin yaxshi bo'ldi. CHiroyli g'alabaga erishdik. SHogirdlarim ko'rsatgan o'yindan ko'nglim to'ldi. Lekin yana o'sha muammo, vaziyatlarni golga aylantirishda oqsayapmiz.  Bu bizning eng katta muammomiz bo'lib qolmoqda. Endi oldimizda ikkita juda muhim o'yinlar turibdi. "Nasaf" va "Lokomotiv"ga qarshi uchrashuvlar oson kechmasligi aniq. Biz bu bellashuvlarga qattiq tayyorgarlik ko'ramiz va muxlislarimizni xursand qilishga harakat qilamiz.

- So'nggi paytlarda MTJning xalqaro o'yinlardagi muvaffaqiyatsizligini PFLdagi o'yinlarning saviyasi pastligiga bog'lashmoqda. Bu haqida sizning fikringiz?
- Sizlar shuni hammaga etkazib qo'yishlaringizni iltimos qilaman. Bir narsaga etibor bering, so'nggi o'yinlardagi tarkibimiz o'yindan-o'yinga o'zgarmoqda. Bu degani har bir futbolchiga imkoniyat berilmoqda. Bazi futbolni tushunmaydiganlar esa, terma jamoa murabbiyini tanqid qilish bilan ovora. Nima endi Qosimov har bir o'rtoqlik o'yinida yirik hisobda g'alaba qozonishi kerakmi? Hammasi o'z yo'nalishi bo'ylab kechmoqda. Terma jamoaning ayni paytdagi tarkibi juda katta salohiyatga ega. Namanganda bo'lgan o'yinni ko'rdilaringmi? Haqiqiy keskin kurash, chiroyli futbol bo'ldi.