Samvel Babayan: "Ikkinchi taym uchun Aleksandr Lobanovga raxmat aytaman"

Klub matbuot xizmati, Babayanni matbuot anjumaniga klub bosh murabbiyi sifatida kirganligi uchun savollar o'yinga oid bo'lishini iltimos qildi. Uni MTJ bosh murabbiyi sifatidagi fikrlarini O'FF tomonidan o'tkazilinadigan matbuot anjumanida eshitish mumkinligi takidlandi.

- O'yinning birinchi bo'limida yaxshi o'ynadik, ikkinchi taym uchun Aleksanr Lobanovga raxmat aytaman. Bugun u jamoamizni bir qator gollardan qutqarib qoldi - deya gap boshladi Samvel Vyacheslavovich.

- Navro'z Alimovning o'yiniga nima deysiz?

- Alimovni jarohatdan endi chiqqanligini hisobga olsak, qaytishi yomon emas. Eng avvalo u "Paxtakor"da har bir o'yinda g'alaba qozonish uchun maydonga chiqish kerakligini tushunib etishi kerak.

- Murod Xolmuxamedovchi, uni anchadan beri bugun ko'rdik...

- Agar u bizga kerak bo'lmaganida allaqachon undan voz kechardik. Lekin u bizga kerakli o'yinchi. Xolmuxamedov oliy ligani istagan klubida o'ynay oladi. Xozircha u zaxiramizda, lekin hammasi oldinda

- Keyingi uchrashuv "Nasaf"ga qarshi bo'ladi. MTJ bosh murabbiyi bo'lganingiz bu o'yinga tasir o'tkazmaydimi?

- "Nasaf" bilan bahsga odatga ko'ra tayyorlanamiz va jamoani birinchi davrada o'z o'rnida qolishini istaymiz. Buni futbolchilar ham tushunishmoqda. Birinchi davradan keyin jamoa bilan birga bo'lmayman, ammo bu erda ishlaydiganlarga doimo maslaxat berib turishga tayyorman.

Baribir Samvel Babayan MTJga oid o'z fikrini bildirib o'tdi.

- Men istardimki oliy ligadagi 16ta jamoa bosh- murabbiylari MTJ manfaati yo'lida birlashishimiz kerak. Hamma hamma, OAV, muxlislar, murabbiy va futbolchilar. MTJ bu faqat bosh murabbiy va O'FFniki emas, respublikamizniki. Menimcha biz buni uddalaymiz - deydi Babayan.