Samvel Babayan: "So'nggi vaqtlarda OKMK va "Navbahor" to'qnashuvi chempionatimiz bezagi bo'lib kelmoqda"

- O'yin haqidagi fikrlaringiz?

- So'nggi vaqtlarda OKMK va "Navbahor" to'qnashuvi chempionatimiz bezagi bo'lib kelmoqda. Bugun g'alabani qo'ldan chiqardik deb o'ylayman. Hisobda oldinga chiqqanimizdan so'ng futbol o'ynamay qo'ydik va g'alabani qo'ldan chiqardik. Bugungi uchrashuv bizga dars bo'lishi kerak.

- Ko'p hakamlardan ogohlantirish olasiz, o'zbek hakamlariga qay darajada ishonasiz?

- Hakamlarni muhokama qilmayman. Bu oddiy emociyalar, o'yindan vaqtida paydo bo'ladi va keyin yo'qoladi.

- "Navbahor" ikki marotaba kuchli raqiblarga qarshi o'ynadi va ikki uchrashuvda ham mag'lub bo'ldi. Jamoada ruhiy tomonlama muammo bordek, bunga sabab jamoa o'zidan kuchsizroq raqiblarni oson mag'lub etayotganimi?

- Yaxshi savol bo'ldi. Avvalambor takidlab o'tishim kerakki, OKMK bilan bo'ladigan uchrashuvlar o'zimizning haqiqiy kuchimizni ko'rib olish uchun imkoniyat. Bugungi uchrashuvda ikki nafar asosiy o'yinchimiz Davron Hoshimov va Jasur Yaxshiboevlar jamoaga yordam bera olishmadi va ushbu holat ham jamoa o'yiniga tasirini o'tkazdi. Lekin bugun yangi o'yinchilarni sinab olishga imkoniyat bo'ldi, sifat etishmadi deb o'ylayman, xolos. O'z oldiga katta maqsadlar qo'ygan jamoa bunday o'yinlarda birinchi daqiqadan boshlab, so'nggi soniyalargacha diqqatni jamlab o'ynashi kerak. O'yinimizni tahlil qilib chiqamiz.