Samvel Babayan: "Birinchi o'rindan yil oxirigacha tushmaslikka harakat qilamiz"

Uning ikkinchi qismida "sherlar" bosh menejeri Samvel Babayan ishtirok etdi.

"Mavsumdagi uchinchi o'yinni o'tkazdik. Hozirgi davr uchun u qadar yomon o'yin o'tkazganimiz yo'q. "Qizilqum" "chaqilmas yong'oq" rolini o'ynadi. Futbolchilarimiz ko'plab vaziyatlardan foydalana olmay biroz hayajonlanishga majbur qilishdi. Yigitlar birinchi o'rindan yil oxirigacha tushmaslikka harakat qilishlarini aytishdi.

Uchta uchrashuv o'tkazdik. Biz o'yindan o'yinga yaxshi formaga kirib borayotganimizni his qilayapman.  

Bizda hujumchi yoki himoyachi yo'q, bizda 10ta futbolchi ham himoyada, ham hujumda o'ynaydi.

Krimecni o'tgan yil ijaraga bergandik. U katta xalqaro tajriba olib qaytdi. Hozir moliyaviy holatimiz yaxshi, shu bois futbolchilarimizni ijraga berishni istamadik. Ular o'zimizda o'ynaganlari yaxshi.

Hakamlikni muhokama qilmayman. Masalan birinchi turda Tolibjonov haqida xabarlar chiqdi. Hamkasblarimdan iltimos qilardimki barcha o'z jamoasi haqida o'ylasin. Misol uchun, bugun ham birinchi daqiqada "Qizilqum" futbolchisi qo'li bilan o'ynadi. Men ham penalti so'rashim mumkin edi. Ammo hakam ham odam, u ham xato qilishi mumkin, shu bois hamma o'z ishini qilgani yaxshi. SHu jumladan men ham.

Oldingi turlarda vodiyga borganimizda stadionlarga minglab muxlislar kelganlarini ko'rib rosti havas qildim. SHu bois bugun ham "Paxtakor" stadionida sovrinli akciya tashkil qildik. Toshkentda ham muxlislar ko'payishini istaymiz", - deydi Samvel Babayan.