Saliba "Arsenal" bilan xayrlashadimi?

Franciya OAVda aytilishicha, o'tgan mavsumni "Marsel"da ijara asosida o'tkazgan Uilyam Saliba shu yozda "Arsenal"ga qaytgan. Biroq "kanonirlar" bosh murabbiyi Mikel Arteta futbolchining kelajagi haqida hozircha aniq qaror qabul qilmagan.

"Men “Arsenal”ga tegishliman va yana ikki yillik shartnomam bor. Mavsumoldi yig'inda "Arsenal" bilan birga bo'laman. Jamoa uchun birorta ham o'yin o'tkazganim yo'q va ularga o'zimni ko'rsatib, muxlislar va ushbu katta klub uchun o'ynay olishimni isbotlashni istayman", – degandi Saliba avvalroq.

Himoyachi London klubi bilan shartnomasini uzaytirmoqchi emas. "Marsel" avgust oyining so'nggi haftasida – transfer oynasi yopilishi arafasida Salibani o'z safiga qaytarishga harakat qiladi degan faraz bor.