Salah Abu Jafer: "Hech bo'lmasa bitta g'alaba bilan ortga qaytmoqchi edik"

"Birinchi bo'limdan so'ng o'yinning ikkinchi qismida yaxshiroq harakat qilmoqchi edik. Biroq, jamoam yomon harakat qildi va raqib ketma ket gollar kiritdi. Mag'lubiyatga mana shu sabab bo'ldi deb o'ylayman. Iroqqa qarshi o'yindan so'ng yigitlarning ruhiyati va  shijoati juda tushib ketdi. Ikki o'yinda mag'lub bo'lganimizdan so'ng turnirni hech bo'lmasa bir g'alaba bilan tark etishni niyat qilgan edik. Ammo, yigitlar o'zlariga kela olishmadi va salbiy natija qayd etildi. 

Tarkibda yosh futbolchilar ko'p. Ushbu turnirda ularning bir necha nafarini kashf qildim deb o'ylayman. Bir tarafdan xursandman, bir tarafdan esa yo'q. Yigitlar biroz bo'lsada tajriba orttirdilar", deydi iordaniyaliklar bosh murabbiyi.