Saidov va Yoqubov Navbahorda qoladi

Maroqli tarzda dam olish maqsadida murabbiy va futbolchilar bugun CHimyon dam olish maskanida bo'lishdi. Ertadan esa mashg'ulotlar davom etadi.

Kecha tarkib ikkiga bo'lingan holda uchrashuv tashkil qilindi. Mazkur o'yinda sariqlar Sobir Hamidovning goli evaziga g'alaba qozondi. Afsuski, tarkiblar bizga malum emas.

Bugun Iqbol Akramovning kelishi haqida gap-so'zlar bo'ldi. Biroq, bu kabi malumotlar inkor etildi. Navbahor bu futbolchiga qiziqmagan ekan. SHuningdek, muxlislarimizni Mansur Saidov va Baxtiyor Yoqubovlarning taqdiri qiziqtirayotgani bor gap. Ko'ngilni to'q qilsak bo'ladi, bu ikkovlon jamoada qolishadi.

Darvoqe, yana bir gap. Ayni paytda Neftchida shug'ullanayotgan hujumchi SHerzod Hakimov baribir Navbahorga o'tadi, shekilli. Yaqin kunlarda Hakimov yig'inga qo'shilishi kutilmoqda.

CHirchiq yig'inidan saytimiz uchun yangiliklarni etkazib berayotgan jamoamizning etakchi muxlislaridan sanalgan Nabixon aka Abdug'anievga minnatdorchilik bildiramiz.


Ulug'bek ABDULLAEV
lochinlar.asia