Saad Al Blushi: “Bor etiborimizni bugungi o'yinga qaratamiz”

-  1 – turdagi Yaponiya terma jamoasiga qarshi o'yin haqida qanday fikr bildirasiz?
-  Yaponiya terma jamoasiga qarshi o'yinda yomon o'yin namoyish etmadik deb o'ylayman. Yaponiya juda yaxshi jamoa, biz ularga musonib ravishda qarshilik ko'rsatdik. Bitta xatoyimiz tufayli o'z darvozamidan gol o'tkazib yubordik.  Biz oldingi Osiyo chempioniga qarshi yomon o'yin namoyish etmadik deb o'ylayman.

-  Bugun Avstraliya terma jamoasiga qarshi o'ynaysizlar. Ushbu o'yin haqida qanday fikr bildirasiz?
-  Bugun Avstraliya terma jamoasiga qarshi 2 – turni o'tkazamiz. Biz ushbu o'yinga tayyormiz. Avstraliya termasiga qarshi o'zimizning eng yaxshi o'yinimizni ko'rsatamiz. Agar bugun mag'lub bo'lsak musobaqani guruh bosqichidayoq yakunlaymiz. Malayziya terma jamoasiga qarshi o'yin biz uchun hech nimani xal qilmaydi. SHuning uchun iloji boricha bor etiborimizni bugungi bahsda g'alaba qozonishga qaratamiz.

-  O'zbekiston terma jamoasiga qarshi ikkita o'rtoqlik o'yini o'tkazgansizlar. Ushbu terma jamoa haqida qanday fikr bildirasiz?
-  O'zbekiston juda yaxshi terma jamoa. Ularga qarshi ikki bor o'rtoqlik o'yinida maydoga chiqganmiz. Afsuski ikkala o'yinda ham mag'lubiyat alamini totib ko'rganmiz. O'zbekiston juda kuchli terma jamoa. Ushbu musobaqada O'zbekiston terma jamoasi g'alaba qozonishga haqli.

-  Yurtimiz sizga yoqdimi?
-  Men birinchi bor O'zbekistonga tashrif buyurishim. Bu erni odamlari juda ham oqko'ngil va mexmondo'st ekan. Biz uchun barcha sharoitlar qilib bergani uchun tashkilot raxbarlariga o'z minnatdorchiligimi bildiraman. Juda ham ajoyib mamlakat ekan. Barcha narsalar meni to'laqonli qanoatlantirdi.  


Jahongir Sotvoldiev suhbatlashdi.