Ruslan Ahmedov: "Yuqori beshlikda oson o'yinlar bo'lmaydi"

O'yin haqida

- Avvalambor "Xorazm" ahlini, klubimiz rahbariyati va barcha azolarini g'alaba bilan tabriklayman. Yuqori beshlikda oson o'yinlar bo'lmaydi. Biz g'alabalar uchun kurashib muxlislarni xursand etishga harakat qilayapmiz.

Bugungi o'yinga hujumkor taktika tanlagandik. Tezkor gol urib olganimizdan so'ng "Turon" hujumlarni kuchaytirdi. Ikkinchi bo'limda 5 ta himoyachi bilan o'ynadik. Bor etiborni qarshi hujumlarga qaratdik. Bu o'z samarasini berdi va yakunda g'alabaga erishdik.

- "Xorazm" Pro-liganing avj pallasiga kelib o'z o'yinini topib oldimi? Ketma-ket 2 ta o'yinda "Turon"ni mag'lub etilishi nima bilan bog'liq?

- Biz imkon qadar chiroyli o'ynashga intilayapmiz. Ammo, raqiblar safida darajasi yuqori futbolchilar bor. Masalan, "Turon" safidagi futbolchilar anchayin saviyali edi. SHundan kelib chiqib natija borasida o'z strategiyalarimizni ishga solayapmiz.

- Roki Marchianoning sermahsulligi haqida nimalarni ayta olasiz?

- Marchiano yaxshi saviyadagi futbolchi. U mashg'ulotlarda berilgan ko'rsatmalarni to'liq bajarayapti. Bundan tashqari indivudial tarzda ham ishlayapti. Nafaqat Marchiano, balki butun jamoamiz g'alabalar uchun astoydil kurashayapti.