Ruslan Ahmedov: "O'yinda ustunlik qilganimizga qaramasdan, qo'shimcha daqiqalarda gol o'tkazib yubordik"

- O'yin haqida

- O'yin og'ir bo'ldi. O'yinni nazorat qildik deya olaman. Raqibni g'alaba bilan tabriklayman. O'zimning jamoam o'yini ham yomon emas. Kurashuvchanlik bo'yicha chempionatda eng kuchlilardan birimiz deb o'ylayman. Bugun mag'lubiyatga loyiq emas edik. Ko'p vaziyatlar yaratdik, standart vaziyatdan darvoza to'sinini poyladik. "Aral" esa bitta imkoniyatdan foydalanib ketdi.

- "Aral" jamoasi tobora "Xorazm" uchun noqulay raqib bo'lib bormoqda. Bugungi uchrashuvda "Xorazm" to'liq ustunlik qildi, ammo nega bugun jamoangiz mag'lubiyatga uchradi?

- Bunday o'yinlar bo'lib turadi. "Aral"ni biz uchun noqulay raqib deb ayta olaman. Qanday o'yin bo'lganini o'zingiz ko'rdingiz. Vaziyatlar yaratish qiyin bo'ldi va asosan vertikal futbolga tayangan o'yin bo'ldi. "Aral" vaziyatidan foydalandi va gol urdi. Alamli mag'lubiyat bo'ldi.