Ruslan Ahmedov: "Futbolda ko'p narsa moliyaviy imkoniyatlarga bog'liq"
25 okt 2023 20:30
Yangiliklar

Ruslan Ahmedov: "Futbolda ko'p narsa moliyaviy imkoniyatlarga bog'liq"

Teglar : "Mashal"Ruslan Ahmedov "Xorazm"

Pro liganing so'nggi turidan o'rin olgan "Mashal" – "Xorazm" (1:0) uchrashuvidan so'ng mehmonlar ustozi Ruslan Ahmedov o'z fikrlarini bildirib o'tdi.

- O'yin davomida himoyaga tayanib o'ynadik. Ikkinchi davrada zaxira o'rindig'imiz etmadi. 3ta futbolchimiz shamollagan. Tarkibimizdagi muammolar sabab ochiq futbol namoyish eta olmadik. Bita xato evaziga mag'lub bo'ldik. Natijadan qoniqmaganim aniq, ammo yigitlarga rahmat aytaman. Ular oxirigacha kurashishdi. SHu bilan mavsum ham yakunlandi. Kelasi mavsumga tayyorgarlikni boshlaymiz va barcha jamoalarga omad tilayman.

- Joriy mavsum "Mashal"ga qarshi ikki uchrashuvda ham mag'lub bo'ldingizlar. Bunga sabab nima?

- Biz tarkib jihatdan "Mashal"dan kuchsizroqmiz. Infratuzilma va moddiy tomonlama ham "Mashal" bizdan ustun. Birinchi davrada moddiy tomondan juda qiyin ahvolda edik. Yigitlar baribir ko'p mehnat qilishdi. Ikkinchi davrada o'yda deyarli hech kimga mag'lub bo'lmadik. O'zbekiston kubogi doirasida esa Superliga jamoasini mag'lub etdik. Futbolda ko'p narsa moliyaviy imkoniyatlarga bog'liq.

Havola :

Manba : championat.asia

Yangiliklarni Telegramda o'qing!

Reyting: +3