"Xorazm" bosh murabbiyi Ruslan Ahmedov: "2022 yilni 5ta oylik va 10ta mukofot puli bilan yakunlagandik"

"Andijon-SGS" jamoasini g'alaba bilan tabriklayman. Bu jamoa yosh futbolchilar iborat bo'lsa ham g'alabani ko'proq xohlashdi. Bizning jamoa o'yini haqida esa gapirishga til ojiz. Yigitlarga tayinladim o'tgan yilgi 4-o'rinni olganimizni unutinglar deb. Bazi futbolchilar osmonlarda uchib yurishibdi, oqibati esa mana shunday bo'ladi. Bugungi mag'lubiyatni o'z zimmamga olaman. Ko'p jihatdan yigitlarni ruhiy tomonlama o'yinga tayyor emasdi. Bahsdan oldin xayolda yutib bo'lgandik", - deb gap boshladi Ahmedov. 

- Xorazm futboli azaldan kuchli bo'lgan va bir-biridan kuchli futbolchilarni etishtirib chiqargan. Masharipov, Iskanderov va SHixov kabilar shular jumlasidan. Hozir nega Xorazmda futbolga etibor bo'lmayaptimi?
- O'tgan yil jamoamiz 4-o'rinni oldi hamda 2022 yilni 5ta oylik va 10ta mukofot puli bilan yakunladik. 1 fevral kunida barcha qarzlar to'landi. Iskanderov, Masharipov va SHixov kabi futbolchilar yuqori saviyadagi o'yinchilar. Moliyaviy holatimiz hozir unday futbolchilarni o'ynatishga yo'l qo'ymaydi. Etiborimizni akademiyamizga qaratganmiz.