Ruben Sanches: "Biz Superligada qolish uchun oxirigacha kurashamiz"
10 okt 2022 14:06
Yangiliklar

Ruben Sanches: "Biz Superligada qolish uchun oxirigacha kurashamiz"

Coca Cola Superligasining 21-turidan o'rin olgan "Surxon" – "Paxtakor" uchrashuvidan so'ng mezbonlar futbolchisi Ruben Sanches fikrlari bilan o'rtoqlashdi.

"Uchrashuv juda qiyin kechdi. Biz o'yinda harakatimizni saqlab qolish uchun katta kuch sarfladik. To'g'risi, g'alaba qozonishni juda ham xohlagandik. Raqib kuchidan kelib chiqib aytsak, durang ham adolatli deyish mumkin.

Biz Superligada qolish uchun oxirigacha kurashamiz. Turdan turga o'yinlarimiz va natijalarimiz ijobiy tomonga o'zgarmoqda. Keyingi bahslarda ham g'alaba qozonib, Superligada qolish imkoniyatimizni yaxshilashga intilamiz.

To'g'risi, mavsum yakuniga qadar nechta gol urish borasida o'ylaganimcha yo'q. Asosiy etiborimni jamoaga g'alaba qozonishiga qaratganman. Bizni oson bo'lmagan uchrashuvlar kutmoqda", – deb so'zini yakunladi Sanches.

Havola :

Manba : championat.asia

Yangiliklarni Telegramda o'qing!

Reyting: +2